دوای ئەوەی زەینەدین زێدان ی فەرەنسی و بریاری دا دەست لەپۆستی یاریدەدەری کارلۆئەنچیلۆتی ڕاھێنەری یەکەمی یانەی شاھانە بکێشێتەوە و ببێتە ڕاھێنەری پلە دووی یانەی ریال مەدرید ( کاستیا ) بەرپرسانی یانەی شاھانە لەھەولی ئەوەدا بوون کەسێکی شیاو بۆ شوێنگرەوەی زیدان دەستنیشان بکەن .

 

 

بەرپرسانی يانە شاھانە ھەمیشە بیر لەوەدەکەنەوە کەسێک ببێتە یاریدەدەری راھێنەر کە پێشتر ئەزمونێکی لەگەل یانەکە ھەبوو بێت و تارادەیەک دلسۆزی یانەکە بوبێت ، ھەربۆیە بەکۆی دەنگ بریاریان دا فرنادۆ ھیرۆ ی ئیسپانی و ئەستێرەی پێشوی یانەکەیان وەک یاریدەدەر ی کارلۆ ئەنچیلۆتی دەستنیشان بکەن .

 

 

فرناندۆ ھیرۆ  ئیستا تەمەنی  46  ساڵە و لەرابردوودا ماوەی 14  وەرز وەک بەرگریکار لەریزی یانەی شاھانە لەسالانی ( 1989  تا 2003 ) یاریکردوە و ئاستێکی بەرز و بێ وێنەی پێشکەش کردوە و لەوماوەیەدا چەندین نازناوی گرنگی بەدەست ھێناوە  کە  گرنگترینیان  بەدەستھێنانی 5 نازناوی لیگا و 3 نازناوی یانە پالەوانەکان و 4 جامی سوپەری ئیسپانی و چەندانى تر بوە .